გირჩის ლიდერმა, ზურაბ ჯაფარიძემ ქართულ ოცნებასთან კოალიციის შექმნა გამორიცხა. ამის შესახებ ჯაფარიძემ TV პირველის ეთერში ისაუბრა.

"მაგაზე ცალკე იყო საუბარი და მაგაზე ცალკე დეკლარაცია გაკეთდება. ჩვენ, ცხადია, აქეთა ფლანგზე ვართ, ქართულ ოცნებას კოალიციას არ შევუქმნით", — განაცხადა გირჩის ლიდერმა.

აქვე, 18 აგვისტოს დიდუბე-ჩუღურეთის ოლქში ოპოზიციის საერთო კანდიდატად ზურაბ ჯაფარიძე დასახელდა. ოპოზიციური პარტიები გირჩის ლიდერს, ზურაბ ჯაფარიძეს დაუჭერენ მხარს, რაზეც ჯაფარიძემ განაცხადა, რომ მისი კონკურენტის, გია ვოლსკის დამარცხებაში ოპოზიციის მხარდაჭერა მნიშვნელოვნად დაეხმარება.