ახალმა პოლიტიკურმა პარტიამ, ჩვენი საქართველო ― სოლიდარობის ალიანსი, თბილისის 8 მაჟორიტარულ ოლქში თავისი კანდიდატები წარადგინა.

  • პარტიის თავმჯდომარე, ბექა ნაცვლიშვილი ვაკის მაჟორიტარის მანდატისთვის იბრძოლებს;
  • ჯაბა ჯიშკარიანი მთაწმინდა-კრწანისის მაჟორიტარ კანდიდატად დასახელდა;
  • ლევან გოგიჩაიშვილი, საბურთალოს მოქმედი მაჟორიტარი დეპუტატი, კვლავ იბრძოლებს საბურთალოს მაჟორიტარული მანდატისთვის;
  • გედევან ფოფხაძე დიდუბე-ჩუღურეთის ოლქშია წარდგენილი;
  • რამაზ ბლუაშვილი ისნის ოლქში დასახელდა;
  • ზვიად თავაძე ნაძალადევში;
  • ალექსანდრე რიჟამაძე სამგორის საარჩევნო ოლქში;
  • ლაშა გიორგაძე გლდანის საარჩევნო ოლქში ახალგაზრდული მოძრაობის კიდევ ერთი ლიდერი.

როგორც ბაქა ნაცვლიშვილმა წარდგენის დროს განაცხადა, ეს პარტია იქნება გარანტი, რომ "არ მოხდეს გაერთიანება ნაციონალურ მოძრაობასთან, ევროპულ საქართველოსთან, ლელოსთან".

გედევან ფოფხაძის თქმით კი, "არავისთან მოსალაპარაკებელი არ აქვთ" და იბრძოლებენ, რომ რვავე მანდატი მიიღონ.

მარიამ ჯაშმა კი შეკრებილებს უთხრა:

"გვიგულშემატკივრეთ ჩუმად, საჯარო განცხადებების გარეშე".

პარტიის ლიდერებმა განაცხადეს, რომ რეგიონებში საკუთარი მაჟორიტარობის კანდიდატებს აგვისტოს ბოლოს დაასახელებენ.