ფონიჭალაში ავტოსაგზაო შემთხვევა მოხდა, რის შედეგადაც, არსებული ინფორმაციით, 2 ადამიანი დაიღუპა. არიან დაშავებულებიც, რომლებიც საავადმყოფოში გადაიყვანეს. მათი რაოდენობა ამ ეტაპზე უცნობია.

შინაგან საქმეთა სამინისტროს ინფორმაციით, გამოძიება 276-ე მუხლის მე-8 ნაწილით დაიწყო, რაც გულისხმობს ავტომობილის მოძრაობის უსაფრთხოების დარღვევას, რამაც ორი ან მეტი ადამიანის სიცოცხლის მოსპობა გამოიწვია.