ჯანდაცვის სამინისტრო ავრცელებს ინფორმაციას, რომ 17 წლის ჩათვლით ბავშვებისთვის, 200-ლარიანი დახმარების მისაღებად რეგისტრაცია ტექნიკური ხარვეზის გამო შეფერხებით მიმდინარეობს.

მათი განცხადებით, ხარვეზი პორტალზე ბევრი ადამიანის ერთდროულად დარეგისტრირებითაა განპირობებული.

ჯანდაცვის სამინისტრო მოქალაქეებს შექმნილი შეფერხებისთვის ბოდიშს უხდის. მათი თქმით, სპეციალისტები მუშაობენ, რათა პრობლემა უმოკლეს დროში აღმოიფხვრას.

დღეს, 15 აგვისტოს 18 წლამდე ასაკის ბავშვებისთვის 200-ლარიანი დახმარების მისაღებად რეგისტრაცია დაიწყო. თავდაპირველად ითქვა, რომ ამ თანხას მხოლოდ 17 წლამდე ასაკის ადამიანები მიიღებდნენ, თუმცა გვერდზე, რომელზეც რეგისტრაციის გავლაა საჭირო, მითითებულია, რომ ერთჯერადი დახმარება 18 წლამდეა გათვალისწინებული.

ასევე წაიკითხეთ: