დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ დამსვენებლებს წესების დაცვისკენ მოუწოდა და განაცხადა, რომ თუ თითოეული ადამიანი, განსაკუთრებით საკურორტო ზონებში, წესებს არ დაიცავს, შესაძლოა, სიტუაცია გაუარესდეს.

"განსაკუთრებით ეს ეხება საკურორტო ზონებს, შავი ზღვისპირეთს და კახეთს, სადაც უამრავი ადამიანია დასასვენებლად წასული, თუ არ დავიცავთ ელემენტარულ წესებს, თუ არ გვექნება ყველას დახურულ სივრცეში ნიღაბი, თუ არ დავიცავთ დისტანციას, ის რაც დღემდე მოვიდა, სამწუხაროდ, აღარ იქნება ასეთი სიტუაცია ქვეყანაში და ვითარება შეიძლება გახდეს ისეთივე, როგორიც შვენს მეზობელ ქვეყნებშია", — თქვა იმნაძემ.

ამასთან, პაატა იმნაძემ სასტუმროებისა და რესტორნების მეპატრონეებს მოუწოდა, მაქსიმალურად დაიცვან ყველა წესი თავიანთ კლიენტებთან ურთიერთობაში და კლიენტებისგანაც იგივე მოითხოვონ.

"ამაზე იქნება დამოკიდებული რა სიტუაცია იქნება ქვეყანაში [..] იმისთვის, რომ აცივებამდე მაინც არ დაგვემუქროს ვირუსის ფართომასშტაბიანი გავრცელება, თითოეულმა ჩვენგანმა უნდა დაიცვას ყველა წესი", — განაცხადა იმნაძემ.

ჯამში, ამ დროისთვის ქვეყანაში კორონავირუსის დადასტურებულ შემთხვევათა რაოდენობა 1 278-მდე გაიზარდა, მათ შორის, გამოჯანმრთელებულია 1058 ადამიანი, გარდაცვლილი — 17. კარანტინის რეჟიმში 7 718 პირი რჩება, სტაციონარში მეთვალყურეობის ქვეშ კი 245 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: