კრიშტიანუ რონალდუმ, Ballon d’Or 2016-ის ჯილდო მოიპოვა. ოქროს ბურთი რონალდუსთვის მეოთხეა.

"დიდი პატივია მეოთხე ოქროს ბურთის მიღება, ემოცია ისეთია, როგორიც პირველად. ოცნება კიდევ ერთხელ იქცა რეალობად. არასდროს მიფიქრია ჯილდოს ოთხჯერ აღება, ამიტომ ძალიან მოხარული და ბედნიერი ვარ." - თქვა რონალდუმ დაჯილდოვებაზე.

ახლა რონალდუ მხოლოდ ბარსელონას ლიონელ მესის ჩამორჩება, რომელმაც ოქროს ბურთი ხუთჯერ მოიპოვა, ახლა კი მეორე ადგილს დასჯერდა. მესამე ადგილზე კი ატლეტიკო მადრიდის ანტუან გრიზმანი გავიდა.