დაკავებული ბუსა ჟვანიას დედა თოფაძეების ოჯახს ბოდიშს უხდის. ამის შესახებ მან ჟურნალისტებთან თბილისის საქალაქო სასამართლოში, პროცესის დაწყებამდე განაცხადა.

"მთავარი ჩემთვის რაც იყო, რომ ბავშვი გადარჩა და მადლობა ღმერთს რომ ჯანმრთელადაა. მეორე არის ის, რომ მინდა ოჯახს ბოდიში მოვუხადო და ვუთხრა, რომ ჩემთვის ეს ისეთივე ტკივილია, თუ არა უარესი, როგორც მათთვის და ვისურვებდი, რომ მე დამმართნოდა ეს. ჩემმა შვილმა დანაშაულისთვის პასუხი უნდა აგოს, თუმცა არ მგონია ბრალის დამძიმება საჭირო იყო და ძალიან მძიმეა ეს ჩემთვის", — ამბობს ნინო ქადაგიძე

სასამართლომ ყოფილი პრემიერმინისტრის, ზურაბ ჟვანიას შვილს, ბუსა ჟვანიას აღკვეთის ღონისძიების სახით პატიმრობა შეუფარდა. პროკურატურა მას ბიზნესმენ გოგი თოფაძის შვილიშვილის, ლევან თოფაძის განზრახ მკვლელობის მცდელობას ედავება.

გამოძიება სისხლის სამართლის კოდექსის 117-ე მუხლის 1-ლი ნაწილით მიმდინარეობდა, რაც ჯანმრთელობის განზრახ მძიმე დაზიანებას გულისხმობს