ქურთ მებრძოლთა დაჯგუფებამ (TAK) აღიარა, რომ 10 დეკემბრის ღამეს სტამბოლის ცენტრში აფეთქებები მათ განახორციელეს. ამის შესახებ დაჯგუფებამ თავიან ოფიციალურ საიტზე დაწერა.

სტამბოლის ცენტრში მომხდარ ორ აფეთქებას 38 ადამიანი ემსხევრპლა, BBC-ის ცნობით, მათ შორის 30 პოლიციელია. მანქანა პოლიციის სატვირთოს შეეჯახა და მასში მყოფმა თვითმკვლელმა დეტონატორი აამოქმედა.

შემთხვევა 10 დეკემბერს, გვიან ღამით მოხდა. ერთი აფეთქების ხმა გაისმა ტაქსიმის მოედანთან ახლოს, მეორე კი საფეხბურთო კლუბ ბეშიქთაშის სტადიონის მიმდებარედ, სადაც საფეხბურთო მატჩი ბეშიქთაშსა და ბურსასპორს შორის ახალი დამთავრებული იყო.

თურქეთმა ერთდღიანი გლოვა გამოაცხადა, პრეზიდენტ ერდოღანის თქმით, აფეთქება "მიზნად ისახავდა მაქსიმალურ მხვერპლს".

2016 წელს, თურქეთში არაერთი აფეთქება განახორციელეს ქურთული დაჯგუფების მებრძოლებმა.

2016 წელს, ქურთების მიერ განხორციელბული თავდასხმები თურქეთში

  • 17 თებერვალი - ანკარაში, სამხედრო ბაზაზე ქურთულმა დაჯგუფების თავდასხმამ 28 ადამიანი იმსხვერპლა
  • 13 მარტი - ამკარაში თვითმკვლელი ქურთი მებრძოლის აფეთქებამ 37 ადამიანი იმსხვერპლა.
  • 8 ივნისი - ქურთი მებრძოლების ბომბის ამოქმედების შედეგად, სტამბოლში, 7 პოლიციელი და 4 მშვიდობიანი მოქალაქე დაიღუპა.
  • 9 ოქტომბერი - ქურთი მებრძოლების მიერ განხორციელებულმა აფეთქებამ, თურქეთის სამხრეთ-აღმოსავლეთ რეგიონში, 10 სამხედრო და 8 მშვიდობიანი მოქალაქე იმსხვერპლა.