საქართველოსა და ლატვიას შორის რეგულარული საჰაერო მიმოსვლა 5 აგვისტოდან აღდგება და ფრენებ ავიკომპანია airBaltic შეასრულებს. ეკონომიკის მინისტრის, ნათია თურნავას განცხადებით, 5-დან 20 აგვისტომდე შესრულდება კვირაში ერთი ფრენა, რაც გამართლებულია ეპიდემიოლოგიური თვალსაზრისით, 20 აგვისტოს შემდეგ, შესაძლოა, კვირაში ორი რეისი შესრულდეს.

მინისტრის განმარტებით, ეს გადაწყვეტილება ძალიან მნიშვნელოვანია, რადგან ბალტიის სამი სახელმწიფო 5 ევროპული ქვეყნის ჩამონათვალშია, რომლებთანაც საქართველოს უპირობოდ აქვს საზღვარი გახსნილი.

ნათია თურნავა, ასევე, აცხადებს, რომ 2020 წლის აგვისტოდან შესრულდება კომერციული ჩარტერები და რეგულარული ფრენები უსაფრთხო დერეფნების ფარგლებში. მისივე თქმით, აგვისტოდან იგეგმება რეგულარული ფრენების განახლება მიუნხენის, პარიზისა და რიგირ მიმართულებით , რომელთაც, შესაბამისად, ლუფტჰანზა, ეარ ფრანსი და ეარ ბალტიკი შეასრულებენ.