27 ივლისიდან FitPass-ის პარტნიორების სიას საერთაშორისო სტანდარტების მქონე ოლიმპიური აუზი შეუერთდა. FitPass ბარათების მფლობელები ოლიმპიური აუზის მომსახურებით ყოველდღე, დილის 07:00-დან საღამოს 21:30-მდე ისარგებლებენ.

FitPass-ით მომხმარებელი კვირის დღეების დილისა და საღამოს საათებში ოლიმპიური აუზის მომსახურებით დამატებითი საფასურის გარეშე ისარგებლებს, შუადღის საათებში და შაბათ-კვირას კი მნიშვნელოვან ფასდაკლებას მიიღებს.

FitPass ფრანგული სადაზღვევო კომპანიის — Up Group-ის შვილობილია და საქართველოს ბაზარზე 1 წელზე მეტია ფუნქციონირებს. FitPass საქართველოში მოქმედ 500-ზე მეტ კომპანიას ემსახურება და მათ კორპორატიულ ბარათს სთავაზობს, რომლის დახმარებითაც კომპანიის თანამშრომლები და მათი ოჯახის წევრები საქართველოს მასშტაბით 100-ზე მეტი სპორტული ობიექტის 40 სხვადასხვა სერვისით სარგებლობენ. FitPass-ის მომსახურებით სარგებლობა ნებისმიერ კომპანიას მარტივი პროცედურის გავლის შემდეგ შეუძლია.

აღსანიშნავია, რომ ოლიმპიური აუზი FitPass-ის პარტნიორებს შორის ყველაზე დიდი ღია საცურაო აუზია, რომელიც დიდ დიღომში, ოლიმპიური პარკის ტერიტორიაზე მდებარეობს. ოლიმპიური აუზი აერთიანებს ორ ღია ტიპის აუზს ზომებით 50*25 მეტრი (სიღრმე 240 სმ) და 35*25 მეტრი (სიღრმე 4-დან 7 მეტრამდე). საცურაო კომპლექსი აშენდა 2015 წელს, თბილისში ჩატარებული ახალგაზრდული ოლიმპიური ფესტივალის ფარგლებში და აკმაყოფილებს ყველა საერთაშორისო სტანდარტს.