თაკო ჩარკვიანი და გიორგი ვაშაძე ოპოზიციურ პოლიტიკურ გაერთიანება ძალა ერთობაშიას ტოვებენ და ახალს აფუძნებენ. ამის შესახებ ინფორმაცია თაკო ჩარკვიანმა TV პირველს დაუდასტურა და აღნიშნა, რომ მათი ახალი გაერთიანების კარი ყველასთის ღია იქნება. მათი საარჩევნო გეგმების შესახებ ხვალ, 27 ივლისს პრეზენტაცია გაიმართება.

"დავაანონსებ ჩვენს გაერთიანებას, ბლოკს — გიორგი ვაშაძე და თამარ ჩარკვიანი. აქვე დავძენ, რომ ყველასთვის ღიაა კარი, რადგან ძალიან ბევრს უნდა. ამდენი მკვლელობებია, ასეთი სიღარიბეა, რაღაცა გამოსავალი სჭირდება ხალხს. ეს გამოსავალია სიახლე და სამართალი, რაც ამ ქვეყანას აკლია".

დამატებითი დეტალებისთვის On.ge გიორგი ვაშაძის პრესსამსახურს დაუკავშირდა. პარტია ახალ საქართველოში ამბობენ, რომ პრეზენტაციამდე არ ადასტურებენ გავრცელებულ ინფორმაციას, თაკო ჩარკვიანთან გაერთიანებაზე. მათი თქმით, ხვალინდელ ღონისძიებაზე ყველაფერი ცნობილი გახდება.