Mystartup ყველაზე დიდი სტარტაპ მარკეტია საქართველოში, სადაც გამორჩეული ნივთების პოვნა შეგიძლია ქართველი სტარტაპერებისგან. ხოლო, 15 ივლისიდან Mystartup ქეშბექის დიდ აქციას სთავაზობს მომხმარებელს. VISA ბარათით გადახდის შემთხვევაში სასურველი ნივთის შეძენისას შეგიძლია გადახდილი თანხის 40% დაიბრუნო.

Mystartup, რომელიც სტარტაპებისთვის სამუშაო პროცესების და ონლაინ გაყიდვების გამარტივების მიზნით შექიმნა, უკვე 50-ზე მეტ ქართველ სტარტაპერს აერთიანებს. პლატფორმა არის დამატებითი გაყიდვების არხი სტარტაპერებისთვის, რომელიც ბევრ საკითხზე მათ მაგივრად ზრუნავს. მაგალითად, აგვარებს ლოჯისტიკურ პრობლემას, უზოგავს ადმინისტრაციულ ხარჯებს და სთავაზობს მათ სწორ აუდიტორიასთან წვდომას.

"COVID-19 პანდემიამ განსაკუთრებული ზიანი მიაყენა მცირე და საშუალო ბიზნესს. როგორც გლობალური კომერციის ცენტრში მყოფი კომპანია, ჩვენ, ჩვენს პარტნიორებთან ერთად, მუდმივად ვეძებთ გზებს, რათა ხელი შევუწყოთ ეკონომიკურ ზრდასა და ადგილობრივი ბიზნესების განვითარებას. Mystartup–სა და Mymarket–ის კამპანიები მიზნად ისახავს ქართული ბიზნესებისა და სტარტაპების შესახებ ცნობადობის ამაღლებას და წარმოჩენას, თუ რაოდენ მნიშვნელოვანია თითოეული ჩვენგანის კონტრიბუცია მათ განვითარებაში", — აღნიშნავს კრისტინა დოროში, ვიზას რეგიონალური მენეჯერი კავკასიის რეგიონში.