შვეიცარია საქართველოს მოქალაქეებისათვის საზღვრებს ხსნის. ამის შესახებ ინფორმაციას შვეიცარიის საელჩო საქართველოში ავრცელებს.

"დღეს, 2020 წლის 20 ივლისს, ძალაში შევიდა შვეიცარიის მთავრობის გადაწყვეტილება, რომლის თანახმად საქართველოს მოქალაქეები ყოველგვარი შეზღუდვისა და დამატებითი ზომების გარეშე შეძლებენ შვეიცარიაში შესვლას როგორც სახმელეთო, ასევე საჰაერო გზით. გადაწყვეტილების შესახებ ინფორმაცია განთავსებულია მიგრაციის საკითხებში სახელმწიფო სამდივნოს ოფიციალურ საიტზე. გადაწყვეტილება შეიძლება შეიცვალოს საქართველოში კორონავირუსის პანდემიასთან დაკავშირებული მდგომარეობის ცვლილებიდან გამომდინარე", — ნათქვამია საელჩოს განაცხადებაში.