თბილისის ინფექციური საავადმყოფოს სამედიცინო დირექტორის, მარინა ეზუგბაიას ცნობით, რვა ახალი დადასტურებული შემთხვევიდან, ორის წყარო უცნობია და მიმდინარეობს კვლევა. მისივე ცნობით, სამი ახალი ინფიცირებული, უკვე დადასტურებულთან კონტაქტია, სამი — შემოტანილი, ანუ იმპორტირებული, მათგან ერთი სატვირთოს მძღოლია.

მარინა ეზუგბაიას თქმითვე, დღევანდელი მონაცემებით, კოვიდცენტრებში 146 პაციენტი მკურნალობს.

StopCov-ის სტატისტიკით, 18 ივნისისთვის საქართველოში კორონავირუსი კიდევ რვა ადამიანს დაუდასტურდა და ათი გამოჯანმრთელდა. ბოლო მონაცემებით, ქვეყანაში კორონავირუსის სულ 1 018 შემთხვევაა გამოვლენილი, აქედან 895 ადამიანი უკვე გამოჯანმრთელდა.