ჰაკერების დაჯგუფებ APT29-მ, რომელიც სავარაუდოდ რუსეთის სპეცსამსახურებთან ერთად მოქმედებს, Covid- 19-ის ვაქცინაზე მომუშავე ორგანიზაციებზე კიბერშეტევა განახორციელა და ინფორმაციის მოპარვა სცადა.

დიდი ბრიტანეთის უსაფრთხოების მინისტრის, ჯეიმს ბროკენშაირის განცხადებით, არ არსებობს რაიმე მტკიცებულება იმისა, რომ რუსეთის მიერ დაქირავებულმა ჰაკერებმა ვირუსის შესახებ ინფორმაციის მოპარვაში წარმატებას მიაღწიეს.

ბროკენშაირს არ უთქვამს, რომ შეტევები შეჩერებულია, თუმცა მან აღნიშნა, რომ ისინი აღმოაჩინეს.

"ეს მიმდინარე ინციდენტია და ამიტომ დავიწყეთ განგაში, თუმცა ახლა სიტუაცია შემსუბუქებულია", — განაცხადა ბრიტანეთის უსაფრთხოების მინისტრმა.

მთავრობის მინისტრის თქმითვე, კიბერუსაფრთხოების ეროვნული ცენტრი 95%-ით არის დარწმუნებული, რომ ლაბორატორიაზე კიბერშეტევები განხორციელდა რუსეთის სახელმწიფოს მიერ.

დიდი ბრიტანეთის კიბერუსაფრთხოების წარმომადგენლები ამბობენ, რომ რუსეთის კიბერ აქტივისტებს მიზანში ჰყავთ ამოღებული სახელისუფლებო, დიპლოომატიური, ანალიტიკური, სამედიცინო და სხვა ორგანიზაციები, რომელთა ინტელექტუალურ საკუთრებასაც იპარავენ.