განათლების მინისტრმა, ალექსანდრე ჯეჯელავამ ჟურნალისტებთან საუბარში განაცხადა, რომ სამინისტრო ანაზღაურებისა და ადმინისტრაციულ ხარჯებს 10 პროცენტით შეამცირებს. მისივე თქმით, ყველა მთავრობის მოვალეობაა, ხალხის ფული მაქსიმალურად "ხელმომჭირნედ" ხარჯოს:

"რომელ დეპარტამენტშიც გვაკლია ხალხი იქ ვიმატებთ და რომელ დეპარტამენტშიც მეტი ხალხი გვყავს იქ ვიკლებთ. აი ამას ვაპირებთ კონკრეტულად, წელსაც, მომავალ წელსაც და ყოველ მომავალ წელს. ვინც არ მუშაობს კარგად ყოველთვის დარჩება უმუშევარი - ათი წლის მერეც, ოცისაც და ოცდაათისაც."

ჯეჯელავას თქმით, განათლების სისტემაში ბევრი თანამშრომელია და სისტემას ოპტიმიზაცია სჭირდება:

"ჩვენ შევეცდებით, რომ უშუალოდ განათლების სისტემის განვითარებას რაც შეეხება იმ ფუნქციებში შედარებით ხელგაშლილი ვიყოთ და გავაძლიეროთ, რაც არის ბექოფისური ფუნქციები, მხარდამჭერი ფუნქციები იქ მაქსიმალურად მოვუჭიროთ ხელი.

ჟურნალისტის კითხვაზე, თუ რა მოყვება მინისტრის ამ ნაბიჯებს, ჯეჯელავა ასე პასუხობს:

"ჩვენი ამოცანაა, რომ ცუდი თანამშრომელი იყოს უკმაყოფილო ყოველთვის და კარგი თანამშრომელი ყოველთვის იყოს კმაყოფილი."