განათლების სამინისტროს ინფორმაციით, აბიტურიენტს, რომელსაც კორონავირუსი დაუდასტურდა გამოცდების ჩაბარების შესაძლებლობა ექნება. უწყების განცხადებით, მას საგამოცდო გარემოს იქ მოუწობენ, სადაც მკურნალობის კურსს გადის. მათივე თქმით, გამოცდა ჩატარდება ექიმებისა და გამოცდების ცენტრის წარმომადგენლების მეთვალყურეობის ქვეშ.

ოვიდ-ინფიცირებული აბიტურიენტისთვის დარჩენილი გამოცდის ჩაბარების შესაძლებლობის შესახებ გადაწყვეტილება საქართველოს განათლების, მეცნიერების, კულტურისა და სპორტის სამინისტროს შესაბამის უწყებებთან კოორდინაციით, ექიმების რეკომენდაციების საფუძველზე და პაციენტის ჯანმრთელობის მდგომარეობის გათვალისწინებით იქნა მიღებული.

7 ივლისს ერთიან ეროვნულ გამოცდაზე გასულ ერთ-ერთ აბიტურიენტს კორონავირუსი დაუდასტურდა. ამირან გამყრელიძის განცხადებით, 9 აბიტურიენტი, რომელიც ინფიცირებულთან ერთად იყო საგამოცდო ოთახში, კარანტინში გადაიყვანეს, თუმცა გამოცდებს ისევ აბარებენ. დაავადებათა კონტროლის ცენტრის დირექტორი განმარტავს, რომ აბიტურიენტებს გამოცდამდე წინასწარ ტესტირებას უტარებენ.