"კაწრო" მონაწილეობდა არა მკვლელობაში, არამედ ჩაფარცხვაში და ამას 3 წყარო ადასტურებს — გვარამია
მთავარი არხის გენერალური დირექტორი, ნიკა გვარამია აცხადებს, რომ გიორგი შაქარაშვილის საქმეში კრიმინალური ავტორიტეტის, ავთანდილ ბილანიშვილის, იგივე "კაწროს" მონაწილეობას სამი სხვადასხვა წყარო უდასტურებს. თუმცა, გვარამია განმარტავს, რომ საუბარია არა მკვლელობაში მონაწილეობაზე, არამედ "საქმის ჩაფარცხვაზე". ეს განცხადება მან საქმესთან დაკავშირებით მაგისტრ მოსამართლესთან გამოკითხვის შემდეგ გააკეთა.
"რა ვიცი ზუსტად, ეს აინტერესებდათ, ანუ როგორც ფაქტი. როგორც ფაქტი, ვიცი "კაწროს" მონაწილეობა. ამას არ უარვყოფ და ამაზე იქნება კიდევ და კიდევ ჩვენი მამტკიცებელი და მამხილებელი გამოძიებები. მონაწილეობა არა იქ ასვლით, არა მკვლელობაში მონაწილეობის მიღებით, არამედ ჩაფარცხვაში მონაწილეობა", — ამბობს გვარამია და დასძენს, რომ ჰკითხეს, ეს იყო ფაქტი თუ მოსაზრება, რის შემდეგაც მან დაუდასტურა, რომ ინფორმაცია სამი სხვადასხვა წყაროსგან აქვს.
ამასთან, ნიკა გვარამიას თქმით, მას დარჩა შთაბეჭდილება, რომ პროკურატურას აინტერესებს კიდევ რა ინფორმაციას ფლობს და გამოძიებაში მთავარ არხს მიჰყვებიან. მან ასევე აღნიშნა, რომ ჰკითხეს, თუ ინფორმაციას ფლობს, რატომ არ ეხმარება გამოძიებას. გვარამიას თქმით, ისედაც ეხმარება გამოძიებაში, რადგან ჯერ მისი განცხადებებია და შემდეგ საპროცესო მოქმედებები.
"ზოგადად, გამოძიებას უნდა ესმოდეს, რომ ჩვენ მკვლელების აღმომჩენები და გამომძიებლები არ ვართ, ჩვენ ვართ გამომძიებელი ჟურნალისტები და ყველაფერს ვაკეთებთ, რომ საქმე გაიხსნას. მთავარი და კრიტიკული კითხვა ის კი არ არის, ვინ მოკლა გიორგი შაქარაშვილი, არამედ ის, რატომ არ ხდება ამ არცთუ რთულ დანაშაულში აღმოჩენა მკვლელის, ანუ ვინ აფარებს მკვლელს ხელს, როგორ ახერხებს ამას და რატომ აკეთებს ამას. ეს არის ჩვენი კითხვა. როგორც კი ამ კითხვაზე პასუხი გაეცემა, გიორგი შაქარაშვილის მკვლელის აღმოჩენა გამოძიებას არ გაუჭირდება. არც აქამდე გაუჭირდებოდა, მაგრამ არ იმოქმედა ცხელ კვალზე, სამი კვირის განმავლობაში არაფერი გააკეთა", — თქვა გვარამიამ.
გვარამია ბოლო რამდენიმე დღის განმავლობაში გიორგი შაქარაშვილის საქმის შესახებ მთავარი არხის ეთერში აქტიურად საუბრობს. პირველად მან გაავრცელა კადრები, სადაც ჩანს, რომ დიდუბეში გიორგი შაქარაშვილის მეგობარი, გურამ ამირხანაშვილი თეთრპერანგიან პირს ელაპარაკება, რომელიც თეთრი მიკროავტობუსიდან გადმოვიდა. მთავარი არხის დირექტორი ამ ადამიანს კრიმინალური ავტორიტეტ "კაწროს" უკავშირებს და ამბობს, რომ ფეხბურთელის ცხედარი მანქანაში იყო. ის გამოკითხვაზე სწორედ მის მიერ გავრცელებულ ინფორმაციებთან დაკავშირებით დაიბარეს.
19 წლის ფეხბურთელი, გიორგი შაქარაშვილი 19 ივნისს დაიკარგა. დადგინდა, რომ ის მცხეთაში, დაბადების დღეზე იმყოფებოდა, სადაც ახალგაზრდებს შორის დაპირისპირება მოხდა. ამის შემდეგ ერთმა ჯგუფმა თბილისიდან "დახმარება გამოიძახა". შაქარაშვილი და კიდევ 5 ადამიანი აგარაკიდან მათ მოსვლამდე წამოვიდა. პროკურატურის მიერ გავრცელებულ კადრებში ჩანს, რომ უკვე არაგვის ხიდთან მყოფ ახალგაზრდებს მანქანიდან გადმოსული ადამიანები თავს დაესხნენ, რის შემდეგაც შაქარაშვილი და მასთან ერთად მყოფი პირები გაიქცნენ. ფეხბურთელის კვალი აქედან იკარგება, მასთან ერთად მყოფი 5 ადამიანი კი თბილისში ცალ-ცალკე, სხვადასხვა დროს დაბრუნდა.
4-დღიანი ძებნის შემდეგ, 22 ივნისს, გიორგი შაქარაშვილი ცხედარი მდინარე არაგვში იპოვეს. რამდენიმე დღეში საქმეზე 17 ადამიანი დააკავეს, ყველა მათგან წინასწარი პატიმრობა აქვს შეფარდებული. თავდაპირველად, მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი. როგორც ექსპერტიზის დასკვნის შემდეგ უწყებაში განაცხადეს, საქმეზე კვალიფიკაცია დაზუსტდა და ამ საქმეზე გამოძიება დამამძიმებელ გარემოებებში ჯგუფურად განხორციელებული განზრახ მკვლელობის მუხლით გაგრძელდება.
სწორედ ექსპერტიზის შემდეგ ცნობილი გახდა, რომ გიორგი შაქარაშვილის სიკვდილის მიზეზი, გახდა ასფიქსია წყალში დახრჩობით. ამავე დასკვნის მიხედვით, გარდაცვალებამდე მას მკვრივი-ბლაგვი საგნით მიყენებული დაზიანებები აქვს.
-
-
გადახედვა"ამ რიცხვს ვერ გამოვტოვებდი, როგორც ბატონი ანრი ვერ გამოტოვებდა მეხუთე სართულს, რომელზეც, ალბათ, ცხოვრობს" — გიორგი მსხილაძე პრეზიდენტის მე-5 ვეტოზე "ამ რიცხვს ვერ გამოვტოვებდი, როგორც ბატონი ანრი ვერ გამოტოვებდა მეხუთე სართულს, რომელზეც, ალბათ, ცხოვრობს" — გიორგი მსხილაძე პრეზიდენტის მე-5 ვეტოზე
-
გადახედვაღაზაში, შიმშილისგან დასუსტებულ ბავშვებს იმდენი ენერგიაც აღარ აქვთ, რომ იტირონ — UNICEF ღაზაში, შიმშილისგან დასუსტებულ ბავშვებს იმდენი ენერგიაც აღარ აქვთ, რომ იტირონ — UNICEF
-
-
-
გადახედვარუსეთში, სასწავლო პროგრამაში შევა გაზმანოვის, ლიუბეს და სხვა მუსიკოსების "პატრიოტული" სიმღერები რუსეთში, სასწავლო პროგრამაში შევა გაზმანოვის, ლიუბეს და სხვა მუსიკოსების "პატრიოტული" სიმღერები
-
-
გადახედვაუჩვეულო ჰიპოთეზის თანახმად, სამყარო 27 მილიარდი წლისაა და მასში ბნელი მატერია არაა უჩვეულო ჰიპოთეზის თანახმად, სამყარო 27 მილიარდი წლისაა და მასში ბნელი მატერია არაა
-
-
გადახედვა"ძმები ბერიძეების სატენდერო მადა 5 მილიონ ლარს ასცდა" — TI-ის კვლევა "ძმები ბერიძეების სატენდერო მადა 5 მილიონ ლარს ასცდა" — TI-ის კვლევა
-
-
-
გადახედვაშესაძლოა, iPhone-ებს მალე Google-ის AI-ზე მომუშავე ფუნქციები დაემატოს შესაძლოა, iPhone-ებს მალე Google-ის AI-ზე მომუშავე ფუნქციები დაემატოს
-
გადახედვაTbilisi Open Air 2024-ის შემსრულებელთა სია ცნობილია Tbilisi Open Air 2024-ის შემსრულებელთა სია ცნობილია
-
გადახედვაბოკუჩავა: პირადად პრემიერთან გვაქვს კითხვა — რა იწვევს იძულებით ემიგრაციას? კითხვაზე, სავარაუდოდ, კვლავ მივიღებთ დუმილს ბოკუჩავა: პირადად პრემიერთან გვაქვს კითხვა — რა იწვევს იძულებით ემიგრაციას? კითხვაზე, სავარაუდოდ, კვლავ მივიღებთ დუმილს
-
-
გადახედვა"ეს თემა დახურულია ჩვენთვის" – კობახიძე ვეტინგის შესახებ "ეს თემა დახურულია ჩვენთვის" – კობახიძე ვეტინგის შესახებ
-
გადახედვაპინოქიო, მძინარე მზეთუნახავი და ბემბი საშინელებათა ფილმის გმირებად იქცევიან პინოქიო, მძინარე მზეთუნახავი და ბემბი საშინელებათა ფილმის გმირებად იქცევიან
-
-
გადახედვაშესაძლოა, მარსზე წყალს იმაზე მცირე ხანს ეარსება, ვიდრე აქამდე ვვარაუდობდით შესაძლოა, მარსზე წყალს იმაზე მცირე ხანს ეარსება, ვიდრე აქამდე ვვარაუდობდით
-
გადახედვაკობახიძის თქმით, საპატრიარქოს მიერ დაფუძნებული სასწავლებლებისთვის 35-მილიონიან დაფინანსებას არჩევნებთან კავშირი არ აქვს კობახიძის თქმით, საპატრიარქოს მიერ დაფუძნებული სასწავლებლებისთვის 35-მილიონიან დაფინანსებას არჩევნებთან კავშირი არ აქვს
კომენტარები