SALTO ანუ saltatorial locomotion on terrain obstacles (ხტუნვით გადაადგილება ზედაპირულ დაბრკოლებებზე) მოხტუნავე რობოტია, რომელიც 100 გრამს იწონის და ერთი მეტრის სიმაღლეზე ხტება. SALTO იმით გამორჩევა სხვა მოხტუნავე რობოტებისგან, რომ შეუძლია, ახტომის შემდეგ კედელი საყრდენად გამოიყენოს და გააგრძელოს მოძრაობა. სხვა რობოტებს განმეორებითი ნახტომისთვის ცალკე მომზადება სჭირდებათ.

SALTO-ს ხტუნვის მექანიზმი გალაგოს ქცევაზეა დაფუძნებული. გალაგოები აფრიკაში მობინადრე პრიმატები არიან. ამ ცხოველებს ხტუნვის გამორჩეული მექანიკა აქვთ. რაც უფრო დიდხანს ემზადებიან ნახტომისთვის შესაბამის პოზიციაში, მით მეტი ენერგიის გამოყენება შეუძლიათ გადახტომისას.

სალტოს შემქმნელები მომავალში გეგმავენ, რომ რობოტმა გარემოს გაანალიზება შეძლოს, დააფიქსიროს ახტომისა და გადახტომისთვის შესაფერისი ადგილები და დაძლიოს დაბრკოლებები, რომლებიც წინ გადაეღობება.

ამ ტიპის რობოტი გამოსადეგი იქნება სამაშველო ოპერაციების დროს ურბანულ გარემოში ან ისეთ ადგილებში, სადაც მაშველების სიცოცხლესაც შეიძლება დაემუქროს საფრთხე.