თბილისის საქალაქო სასამართლომ უფლებადამცველ ანა არგანაშვილსა და მის ოჯახს კარანტინიდან თვითიზოლაციაში გადაყვანის მოთხონა დაუკმაყოფილა. ამის შესახებ ის ფეისბუქზე წერს.

"სასამართლომ ბავშვის ინტერესი უპირატესია და გადაწყვეტილებები არ უნდა მიიღოთ თუ, ბავშვის საჭიროებები არ შეგისწავლიათო. ბავშვსაც ესაუბრა მოსამართლე, ყურადღებით. ხვალ ჩაგვბარდება გადაწყვეტილება და სახლში თვითიზოლაციაში გადავალთ. იმედია, სხვა ბავშვებს ჩვენსავით უსულო საგანივით არ მოექცევიან, მათ შესახებ გადაწყვეტილების მიღებამდე კარგად დაფიქრდებიან ადმინისტრაციული ორგანოები. ან, წააგებენ სასამართლოში პროცესებს", — წერს არგანაშვილი.

უფლებადამცველი ანა არგანაშვილი 11 წლის შვილთან და ქმართან ერთად 27 ივნისიდათბილისის ერთ-ერთ სასტუმროში კარანტინში იმყოფება. დედის თქმით, კარანტინში ბავშვისთვის არც შესაბამისი სივრცე და არც შესაბამისი კვებაა, რის გამოც თვითიზოლაციაში გადაყვანას მოითხოვდა.

როგორც ის On.ge-სთან ყვება, აშშ-დან საქართველოში 27 ივნისს დაბრუნდა, მანამდე კი თვითიზოლაციაზე შესაბამისი მოთხოვნა დაწერა. თუმცა არგანაშვილის თქმით, საზღვრიდან ორი კვირით პირდაპირ კარანტინში ისე გადაიყვანეს, რომ არც მისთვის და არც ბავშვისთვის არაფერი უკითხავთ.

ანა აპროტესტებს იმას, რომ კარანტინში ბავშვის განვითარებისთვის ადეკვატური სივრცე არ არის და მისი შვილი შესაბამის კვებას ვერ იღებს.

ამავე თემაზე: