ლეგენდარული იტალიელი კომპოზიტორი ენიო მორიკონე 91 წლის ასაკში გარდაიცვალა
ოსკაროსანი იტალიელი კომპოზიტორი, რომელმაც დაუვიწყარი მუსიკალური კომპოზიციები 500-ზე მეტი ფილმისთვის შექმნა, 91 წლის ასაკში გარდაიცვალა.
მორიკონე რომში, საავადმყოფოში იმყოფებოდა. გარდაცვალების მიზეზად, გასულ კვირას წაქცევის შედეგად განვითარებული გართულებები სახელდება. მას ბარძაყის ძვალი ჰქონდა მოტეხილი.
ენიო მორიკონე რომში 1928 წელს დაიბადა. მისი მამა საყვირზე უკრავდა და სწორედ ამ ინსტრუმენტზე დაწერა ენიომ თავისი პირველი კომპოზიცია 6 წლის ასაკში. ის სწავლობდა კლასიკურ მუსიკას და უნივერსიტეტის დასრულების შემდეგ, მელოდიას ქმნიდა თეატრისთვის და რადიოსთვის. მოგვიანებით, მას ლეიბლმა RCA-მ შესთავაზა სამსახური, სადაც ისეთი პოპ-მომღერლებისთვის წერდა მუსიკას, როგორებიც არიან პოლ ანკა, დემის რუსოსი, ფრანსუა ჰარდი, ჩარლზ აზნავური... 80-იან წლებში მორიკონეს კოლაბორაცია შედგა პოპულარულ ჯგუფთან Pet Shop Boys.
თუმცა, ნამდვილი წარმატება, აღიარება და უკვდავება მორიკონეს ფილმებისთვის შექმნილმა მუსიკამ მოუტანა. მორიკონეს მიერ დაწერილი მუსიკა საუნდტრეკებად გვხვდება ისეთ ფილმებში, როგორებიცაა ჯუზეპე ტორნატორეს Cinema Paradiso და Malena, როლან ჟოფეს The Mission, სერჯო ლეონეს Once Upon a Time in America და The Good, the Bad and the Ugly, კვენტინ ტარანტინოს The Hateful Eight და ა.შ.
მორიკონემ პირველი ოსკარი ნომინაციაში საუკეთესო მუსიკა ფილმისთვის 2016 წელს მიიღო, ტარანტინოს სურათისთვის, საძულველი რვიანი. მანამდე ის ამერიკის კინოაკადემიამ ამ ნომინაციაზე 5-ჯერ წარადგინა.
"მაესტროდ" წოდებულ მორიკონეს 2007 წელს საპატიო ოსკარიც გადასცეს "კინო-მუსიკის ხელოვნებაში შეტანილი მრავალმხრივი და შეუცვლელი წვლილისთვის".
"მუსიკა განუმეორებელი რამაა, ჩემი ფილმები მის გარეშე უხმო ფილმები იქნებოდა. დიალოგს კინოში მცირე დატვირთვა აქვს, მელოდია კი საუბარზე მეტად უსვამს ხაზს გრძნობებსა და ქმედებებს. მორიკონეს მუსიკის დაწერას მანამდე ვთხოვდი, სანამ ფილმის გადაღებები დაიწყებოდა, მისი მუსიკა სცენარის ნაწილი იყო", — აცხადებდა იტალიელი რეჟისორი სერჯო ლეონე, ავტორი ფილმებისა კარგი, ცუდი და ბოროტი, ერთხელ ამერიკაში და სხვა.
მორიკონე და ლეონე ერთმანეთს ჯერ კიდევ ბავშვობაში, დაწყებით კლასებში შეხვდნენ. მაშინ ენიო 8 წლის იყო. ლეგენდარული ხელოვანები 20 წლის განმავლობაში აღარ გადაკვეთილან, თუმცა მომავალში უამრავ წარმატებულ პროექტზე იმუშავეს ერთად.
მორიკონე მხოლოდ ერთ მუსიკალურ ინსტრუმენტზე არ იყო ფოკუსირებული — მას აქვს საყვირისა და ჰობოის სოლო ცნობილ ფილმებში. მაესტროს უყვარდა ელექტრონული გიტარის ჟღერადობა, ასევე ეკლესიის ზარების, კოიოტების ყმუილის, ჩიტების ჭიკჭიკის, საათის ტიკტიკის, იარაღის სროლის ხმები და მათ თავის კომპოზიციებში უხვად ამატებდა.
"ემოციის გამოხატვა ნებისმიერი ხმით შეიძლება, ესაა მუსიკა, რომელიც რეალობამ შექმნა", — ამბობდა ის.
მორიკონეს არ მოსწონდა ტერმინი "სპაგეტი ვესტერნი", რომლის წარმომადგენლადაც მოიაზრებდნენ. სპაგეტი ვესტერნი, იგივე იტალო-ვესტერნი, ველური დასავლეთის ჟანრის ფილმების ერთ-ერთი მიმდინარეობაა, რომელიც იტალიელის შექმნილია და ერთი ოფიციალური ენა არ აქვს. მიმდინარეობა სერჯო ლეონეს შემოქმედების შემდეგ გახდა პოპულარული. მორიკონე ამბობდა, რომ ამ ჟანრის წევრად დასახელება მის შემოქმედებას "ნაწილებად ყოფდა" და ეს მისი კარიერის მხოლოდ ერთი მიმდინარეობა იყო.
მაესტროს სიტყვებით, სულ ნანობდა, რომ კლინტ ისტვუდს შეთავაზებაზე არ დათანხმდა და მისი რეჟისორობით გადაღებული ფილმისთვის კომპოზიცია არ შექმნა. ამ დროს, ის სტენლი კუბრიკთან თანამშრომლობით იყო დაკავებული, სურათისთვის A Clockwork Orange (1971).
მორიკონეს დიდი ფანი იყო კვენტინ ტარანტინო და მის კომპოზიციებს უხვად იყენებდა თავის ფილმებში. 2016 წლის ინტერვიუში, მორიკონემ გაიხსენა, რომ საძულველ რვიანზე ტარანტინოსთან მუშაობა მისთვის სრულყოფილი გამოცდილება იყო:
"მუსიკა კვენტინ ტარანტინოს მითითებისა და რჩევების გარეშე დავწერე, მან არაფერი იცოდა. შემდეგ, ის პრაღაში ჩამოვიდა, სადაც ხმის ჩამწერი სტუდია მქონდა და ძალიან კმაყოფილი დარჩა. ეს კოლაბორაცია ნდობაზე და თავისუფლებაზე იყო აგებული".
მორიკონემ 2001 წლის ინტერვიუში კარიერის დასაწყისი უსიამოვნოდ გაიხსენა და თქვა, რომ რადიოებისთვის და თეატრისთვის დაწერილი თავისი მუსიკის დიდი ნაწილი არ მოსწონდა:
"ვიცოდი, რომ უკეთესი შემეძლო, მაგრამ ფული მჭირდებოდა. ომის შემდეგ, იტალიაში კინოინდუსტრია გაძლიერდა და გადავწყვიტე, რომ ბედი აქ მეცადა".
სერჯო ლეონეზე საუბრისას ის ამბობდა:
"წლების განმავლობაში მე გავიზარდე როგორც კომპოზიტორი, ხოლო ის, როგორც რეჟისორი. ჩვენი შესაძლებლობების მწვერვალს კი, ჩემი აზრით, Once Upon a Time in America-ში მივაღწიეთ".
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
კომენტარები