Wings For Life-ის მსოფლიო მარათონს წელს საქართველო არ შეუერთდება. ამის შესახებ ფონდის ოფიციალური ფეისბუკ გვერდიდან ხდება ცნობილი.

მომხმარებლის კითხვას, თუ რატომ არ იყო საქართველოს მასშტაბით რბოლაში ჩასართავად რეგისტრაცია ჯერ დაწყებული, ფრთები სიცოცხლისთვის მსოფლიო მარათონის გვერდმა შემდეგი პასუხი გასცა:

"2017 წელს მარათონის საქართველოში ჩატარება პერსპექტივაში არაა, რატომ? იმიტომ, რომ ჩვენი მიზანი საერთაშორისო მოძრაობაა, იმედის მოძრაობა, სადაც ყველას შეუძლია გაერთიანება, მსოფლიოს ნებისმიერი კუთხიდან.

ჩვენი მისია და მისწრაფება არის მსოფლიო ზურგის ტვინის დაზიანების გარეშე და ამ მოძრაობაში ყველა ძალიან მნიშვნელოვანია.

ამ მიზნის მისაღწევად ჩვენ სტრატეგია შევცვალეთ, რათა კიდევ უფრო მეტმა ადამიანმა შეძლოს ჩვენთან გაერთიანება მსოფლიოს ყველა კუთხიდან, ეს კი ნიშნავს იმას, რომ ზოგ ქვეყანაში ფოკუსირებას მოვახდენთ მარათონში მობილური აპლიკაციით მონაწილეობაზე.

ზოგ ქვეყანაში კი იქნებიან მორბენლების ორგანიზებული ჯგუფები, რომლებსაც შეგეძლებათ შეუერთდეთ".

ფრთები სიცოცხლისთვის ფონდის ინფორმაციით, ცვლილების შესახებ დამატებითი დეტალები მოგვიანებით გახდება ცნობილი.

ფოტო: Wings for Life World Run / Facebook

წელს Wings For Life-ის მარათონმა კახეთში თელავი–ყვარელის გზატკეცილზე 8 მაისს აიღო სტარტი.