არ იყო მიზანშეწონილი ფრენების აღდგენა, სანამ ზუსტად არ გვეცოდინებოდა, რომელ ქვეყანასთან შეიძლება — თურნავა
![](http://phoebe.on.ge/2020/04/27/94259861_1663976793740218_8420257369191088128_o.jpg)
ფოტო: საქართველოს მთავრობა
ეკონომიკის მინისტრის, ნათია თურნავას თქმით, მიზანშეწონილი არ იქნებოდა ფრენების აღდგენა მანამ, სანამ ზუსტად არ ეცოდინებოდათ რა მდგომარეობაა კონკრეტულ ქვეყნებში. ამ თემაზე მან კომენატარი მთავრობის სხდომის შემდეგ გააკეთა.
"არ იყო მიზანშეწონილი რეგულარული ფრენების აღდგენა მანამ, სანამ ზუსტად არ გვეცოდინება, რომელ ქვეყანასთან შეიძლება ფრენა. აბა თქვენ წარმოიდგინეთ რა მოხდებოდა რომ გაგვეხსნა პირველ ივლისს რეგულარული ფრენები, ეს იმას ნიშნავს, რომ სტიქიურად მოხდებოდა ბილეთების გაყიდვა, მოსახლეობა შეიძენდა ბილეთებს მათ შორის იმ ქვეყნების მიმართულებებითაც, რომლებიც ახლა როგორ აღმოჩნდა არ უხსნის არა ევროკავშირის წევრ ქვეყნებს თავისი მიმართულებით", — თქვა ნათია თურნავამ.
დღეს, 2 ივლისს ცნობილი გახდა, რომ მთავრობა მოქალაქეების სამშობლოში დასაბრუნებლად რეისებს აღადგენს. გახარიას თქმით, ბილეთის ფასი 200 ევროზე მეტი არ იქნება.
30 ივნისს ევროკავშირის საბჭომ გამოაქვეყნა იმ 15 "უსაფრთხო" ქვეყნის სია, რომელთანაც პირველი ივლისიდან მოგზაურობას აახლებს. მათ შორის მოხვდა საქართველოც.
მოგზაურთა დასაშვებად, მესამე ქვეყნებისთვის განმსაზღვრელია ეპიდემიოლოგიური მდგომარეობა და უსაფრთხოების ზომები, როგორიცაა, ფიზიკური დისტანცია და ეკონომიკური და სოციალური მოსაზრებები. საბჭოს განცხადებით, ეპიდემიოლოგიური სიტუაციის თვალსაზრისით, მესამე ქვეყნები შემდეგ კრიტერიუმებს უნდა აკმაყოფილებდნენ:
- კორონავირუსის ახალი შემთხვევები 14 დღის განმავლობაში 100 000 ადამიანზე ევროპის საშუალო მონაცემებთან ახლოს ან ქვემოთ (2020 წლის 15 ივნისის მდგომარეობით);
- ახალი შემთხვევების სტაბილური ან კლებადი ტენდენცია აღნიშნულ პერიოდში, წინა 14 დღესთან შედარებით;
- ზოგადი პასუხი COVID-19-თან, სადაც მხედველობაში მიიღება ტესტირება, დაკვირვება, კონტაქტების მოძიება, მკურნალობა და ინფორმაციის სანდოობა. ასევე, საჭიროების შემთხვევაში ჯანდაცვის საერთაშორისო რეგულირების საშუალო ქულა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები