ქართული ოცნების მაჟორიტარი დეპუტატი დიმიტრი ხუნდაძე ამბობს, რომ საკონსტიტუციო ცვლილებებთან დაკავშირებით საზოგადოება მაჟორიტარებისგან სიურპრიზსს აღარ უნდა ელოდოს. ამის მიზეზი მისი განმარტებით ის არის, რომ მაჟორიტარების მოთხოვნების დიდი ნაწილი შესრულდა.

"ერთი ის, რომ საკონსტიტუციო ცვლილებით მაჟორიტარული შემადგენელი იქნება შენარჩუნებული, არა იმ რაოდენობით რაც ვითხოვეთ მაგრამ შენარჩუნებული და, ასევე, მეორე, რომ შესაძლო ვადამდელი არჩენები ჩატარდება არა პროპორციული სისტემით, არამედ იმ სისტემით რა სისტემასაც ახლა მივიღებთ", — აღნიშნა ხუნდაძემ.

რაც შეეხება საკონსტიტუციო ცვლილებების მიღებას, ხუნდაძე იმედოვნებს, რომ მათი რაოდენობა საკმარისი იქნება:

"მე მაქვს იმედი, რომ საკმარისი ხმები იქნება, თუმცა ხმათა რაოდენობა სკამარისი იქნება თუ არა, ვნახავთ მას შემდეგ, რაც ჩატარდევა კენჭისყრა".

პროპორციული საარჩევნო სისტემის ცვლილების ჩავარდნას მმართველი გუნდი სწორედ მაჟორიტარ დეპუტატებს აბრალებდა. მათი მტკიცებით, კანონპროექტი იმიტომ ვერ გავიდა, რომ მაჟორიტარებს პრინციპული პოზიცია ჰქონდათ და ეს ცვლილებები არ სურდათ