საქართველოს ეროვნული ბანკი და მთავრობა ამტკიცებენ, რომ ბოლო ერთ თვეში ლარის მკვეთრი გაუფასურება დოლარის გამყარებამ გამოიწვია. თუმცა, თავად ეროვნული ბანკის მონაცემები აჩვენებს, რომ ლარი მსოფლიოს თითქმის ყველა ვალუტასთან მიმართებით გაუფასურდა ბოლო ერთი თვის განმავლობაში და არა მხოლოდ დოლართან. მაგალითად, 2016 წლის 1 ნოემბერს 10 ტაჯიკური სომონი 3,058 ლარი ღირდა, 1 დეკემბერს კი მისი ღირებულება 3,218 ლარია. შესაბამისად, ლარი ტაჯიკურ სომონთან მიმართებითაც გაუფასურდა ისევე, როგორც მსოფლიოს სხვა ვალუტებთან.

წარმოგიდგენთ ეროვნული ბანკის ოფიციალურ ინფორმაციას, თუ რა ღირდა ესა თუ ის ვალუტა 1 ნოემბერს და რა ღირს ის 1 დეკემბერს:

  • 10 არაბეთის გაერთიანებული საამიროების დირჰამი 1 ნოემბერს ღირდა 6,56 ლარი, 1 დეკემბერს - 6,90.
  • 1000 სომხური დრამი: 1 ნოემბერი - 5,07 ლარი, 1 დეკემბერი - 5,28 ლარი;
  • 1 კანადური დოლარი: 1 ნოემბერი - 1,80 ლარი, 1 დეკემბერი - 1,89 ლარი;
  • 10 ჩინური იუანი: 1 ნოემბერი - 3,56 ლარი, 1 დეკემბერი - 3,68 ლარი;
  • 1 ევრო: 1 ნოემბერი - 2,64 ლარი, 1 დეკემბერი - 2,70 ლარი;
  • 1 დიდი ბრიტანეთის გირვანქა სტერლინგი: 1 ნოემბერი - 2,93 ლარი, 1 დეკემბერი - 3,15 ლარი;
  • 10 ისრაელის შეკელი: 1 ნოემბერი - 6,26 ლარი, 1 დეკემბერი - 6,61 ლარი;
  • 100 რუსული რუბლი: 1 ნოემბერი - 3,81 ლარი, 1 დეკემბერი - 3,93 ლარი;
  • 10 უკრაინული გრივნა: 1 ნოემბერი - 0,94 ლარი, 1 დეკემბერი - 0,99 ლარი;
  • 1 აშშ დოლარი: 1 ნოემბერი - 2,41 ლარი, 1 დეკემბერი - 2,54;

ვალუტები, რომელთა მიმართებითაც ლარი პოზიციებს მეტ-ნაკლებად ინარჩუნებს, თურქული ლირა და აზერბაიჯანული მანათია.