თბილისის მერი კახა კალაძე ავტობუსებზე ველოსიპედების სამაგრების დაყენებას გეგმას. ამის შესახებ მან თბილისის მთავრობის სხდომაზე ისაუბრა.

როგორც ქალაქის მერი ამბობს, ველოსიპედს თბილისში ბევრი მომხმარებელი ჰყავს და სულ უფრო პოპულარული ხდება. საზოგადოებრივ ტრანსპორტში კი ველოსიპედის ატანა აკრძალულია.

"ბევრს გაქვთ ნანახი, რომ ბევრ განვითარებულ ქვეყანაში საზოგადოებრივი ტრანსპორტი, რომელსაც წინ ან უკან უყენდება შესაბამისი სამაგრები, ადამიანი ვინც არის ველოსიპედით, დაამაგრებს მას, აბრძანდება ავტობუსში და გააგრძელებს გადაადგილებას "ა" პუნქტიდან "ბ" პუნქტში. მინდა მაია ბითაძეს დავავალო, მოიკვლიეთ ეს სამაგრები და დავიწყოთ ავტობუსებზე დაყენება, რომ ადამიანებმა ველოსიპედებით გადაადგილება ქალაქში საზოგადოებრივი ტრანსპორტით უპრობლემოდ შეძლონ", — აცხადებს კალაძე.