ექიმ გია ბოსტოღანაშვილის განცხადებით, დედოფლისწყაროში დაჭრილ ორ პირს ფილტვის დაზიანებები აქვთ. მისივე თქმით, ერთ-ერთ პაციენტს ღვიძლისა და გულ-მკერდის დაზიანება აქვს და ბევრი სისხლი დაკარგა.

დედოფლის წყაროს საკრებულოს ქართული ოცნების დეპუტატი, გიორგი ჭინჭარაული 2 პირის დაჭრის ბრალდებით დააკავეს. შინაგან საქმეთა სამინისტროს ცნობით, დაკავებული ჩადენილ დანაშაულს აღიარებს.

მათივე ინფორმაციით, ბრალდებულმა, ურთიერთშელაპარაკების ნიადაგზე, ორ პირს ცივი იარაღით სხეულზე დაზიანებები მიაყენა. სამინისტროს ინფორმაციით, დაჭრილები საავადმყოფოში არიან გადაყვანილი.

უწყების ცნობით, ბრალდებული მომხდარიდან მალევე დააკავეს და დანაშაულის ჩადენის იარაღი ამოღებულია ნივთმტკიცების სახით. მათივე ინფორმაციით,

მომხდარზე გამოძიება სისხლის სამართლის კოდექსის 117-ე მუხლის მე-7 ნაწილის "ა" ქვეპუნქტით მიმდინარეობს, რაც 7-დან 13 წლამდე ვადით თავისუფლების აღკვეთას ითვალისწინებს.