ესტონურმა კომპანია Bolt-მა აპლიკაციაში ახალი ფუნქცია დაამატა, რომლის გამოყენებით ახლა უკვე შეგიძლიათ მადლობის ნიშნად დამატებითი თანხა დაუტოვოთ მძღოლს.

თუ მძღოლმა ყველა წესის დაცვით მიგიყვანათ დანიშნულების ადგილზე, ავტომობილში სასიამოვნო მუსიკა დაგხვდათ, თუ მომსახურებამ თქვენს მოლოდინს გადააჭარბა უკვე შეგიძლიათ მძღოლს დაუტოვოთ Tip აპლიკაციიდან.

"გასული თვეები ყველასთვის რთული და დამღლელი იყო, მიუხედავად ამისა Bolt-ის მძღოლები ყოველდღე გადიოდნენ წინა ხაზზე და უზრუნველჰყოფნენ თითოეული ადამიანის გადაადგილებას სწრაფად, უსაფრთხოდ და კომფორტულად. Შესაბამისად, ჩვენ დავამატეთ მძღოლებისთვის Tip-ის დატოვების ფუნქცია, რომელიც საშუალებას მისცემს მომხმარებლებს დამატებითი მადლობა გადაუხადონ მძღოლებს გაწეული საუკეთესო მომსახურებისთვის", —აცხადებს Bolt-ის დამფუძნებელი ბესო პაპიაშვილი.

როგორ დავუტოვოთ Tip მძღოლს?

  • შეაფასეთ მძღოლი 4 ან 5 ვარსკვლავით;
  • სურვილისამებრ დატოვეთ კომენტარი;
  • აირჩიეთ Tip-ის ოდენობა;
  • დააჭირეთ ღილაკს და მძღოლი მიიღებს Tip-ის 100%-ს.

ამ ფუნქციით სარგებლობა შეგიძლიათ მგზავრობის დასრულებიდან 15 წუთის განმავლობაში და რაც ყველაზე მთავარია, თქვენ მიერ დატოვებული Tip-ის 100% გაიგზავნება პარტნიორ მძღოლთან.