გასულ დღე-ღამეში სომხეთში კორონავირუსი 766 ადამიანს დაუდასტურდა, 10 კი გარდაიცვალა. ამასთან, გამოჯანმრთელდა 294 ადამიანი.

არმენპრესის ინფორმაციით, 7 ივნისის 11:00 საათის მონაცემებით, სომხეთში სულ 13 130 შემთხვევაა დადასტურებული, მათ შორის 210 გარდაიცვალა, 4 014 კი გამოჯანმრთელდა.

ოფიციალური ინფორმაციით, ათი გარდაცვლილიდან ყველას თანმხლები ქრონიკული დაავადებები ჰქონდა.

სომხეთში 13 ივნისის ჩათვლით საგანგებო მდგომარეობაა გამოცხადებული.

სომხეთის პრემიერმინისტრმა, ნიკოლ პაშინიანმა გუშინ, 6 ივნისს თქვა, რომ რეანიმაციაში არასაკმარისი ადგილების გამო ორი პაციენტი გარდაიცვალა. ამასთან, მისივე ინფორმაციით, ქვეყანაში კორონავირუსით ინფიცირებული 200 პაციენტი ჰოსპიტალიზაციის რიგში დგას.