ონლაინ სესხების გაცემა აიკრძალება. ამის შესახებ განცხადება მთავრობის სხდომაზე საქართველოს პრემიერ მინისტრმა გააკეთა. კვირიკაშვილის თქმით, აკრძალვა მომხმარებელთა უფლებების დაცვის პაკეტის ნაწილი იქნება, რომელიც ეროვნულ ბანკთან ერთად მზადდება:

"ეროვნულ ბანკთან ერთად ჩვენ ვამზადებთ მომხმარებელთა უფლებების დაცვის პაკეტს, რომლის მიხედვითად აიკრძალება ონლაინ სესხების გაცემა. რაც ასევე მნიშვნელოვანი მოთხოვნა იყო ჩვენი საზოგადოების მხრიდან. ყველა ეს ნაბიჯი გადადგმულია, როგორც უკვე აღვნიშნე, სწრაფი ეკონომიკური განვითარებისთვის. რასაც ზოგ შემთხვევაში მომენტალური, მოკლევადიანი, გარკვეულ შემთხვევებში კი საშუალოვადიანი ეფექტი და შედეგი ექნება."

კვლევებისა და კონსულტაციის გლობალურმა კომპანია ACT-მ ოქტომბერში კვლევა ჩაატარა, რომლის მიხედვით, მათ მიერ გამოკითხული მოსახლეობის უმრავლესობა, 64%, ეთანხმება მოსაზრებას, რომ ონლაინ სესხების სერვისი უნდა აიკრძალოს საქართველოში. მათ შორის 25% ონლაინ სესხების მომხმარებელია.