საქართველოს წარმომადგენლები, ნიკა კოჩაროვი და Young Georgian Lolitaz, ევროვიზია 2016-ის ფინალში გადავიდნენ. ფინალი 14 მაისს, თბილისის დროით 23:00 საათზე გაიმართება და მას პირდაპირ ეთერში საზოგადოებრივი მაუწყებლის პირველი არხი გადასცემს.

ევროვიზია 2016-ს შვედეთის დედაქალაქი სტოკჰოლმი ერიქსონ გლოუბ არენაზე მასპინძლობს.

ევროვიზიის სიმღერის კონკურსი ერთ-ერთი ყველაზე მასშტაბური ევროპული სატელევიზიო კონკურსია, რომელიც პირდაპირ ეთერში ევროვიზიის სატელიტური ქსელის მეშვეობით გადაიცემა.

კონკურსის შექმნის იდეა 1955 წელს გაჩნდა და პირველი კონკურსიც 1956 წელს გაიმართა. საქართველომ ევროვიზიაში მონაწილეობა პირველად 2007 წელს მიიღო.

გასულ წელს საქართველო ევროვიზიაზე ნინა სუბლატმა წარადგინა და მე-11 ადგილი დაიკავა.