საპარლამენტო უმრავლესობის წევრის, რატი იონათამიშვილის აზრით, ნაციონალური მოძრაობისთვის საგანგებო მდგომარეობა ახლა დაიწყო და არჩევნებზე დასრულდება. ამ თემაზე კომენტარი მანდ იმედის ეთერში გააკეთა.

"ფაქტია, რომ ნაცკლასტერისთვის საგანგებო მდგომარეობა დაიწყო ახლა და როგორც ჩანს, არჩევნებზე დასრულდება. რაც შეეხება ინტერპელაციას, მიუხედევად იმისა, რომ ეს საპარლამენტო ზედამხედველობისთვის ძალიან ეფექტური ინსტრუმენტია, ოპოზიციის მხრიდან, ვინც არიან კითხვის ავტორები, არ მაქვს მოლოდინი, რომ ამას შინაარსობრივად წარმართავენ", — თქვა რატი იონათამიშვილმა.

დეპუტატის თქმით, პრემიერმინისტრი ამ შემთხვევაშიც ისარგებლებს და ეს ნათელი მაგალითი იქნება, თუ როგორ ხორციელდება საპარლამენტო ზედამხედველობა.

დღეს, 29 მაისს პრემიერი, გიორგი გახარია პარლამენტში ინტერპელაციის წესით წარდგება. ინტერპელაციის წესით კითხვებზე პასუხების გაცემა ნაციონალურმა მოძრაობამ და ევროპულმა საქართველომ მოითხოვა.