თბილისის მერი კახა კალაძე კახა კალაძე მოქალაქეებს მოუწოდებს, საზოგადოებრივ ტრანსპორტში პირბადით ავიდნენ, წინააღმდეგ შემთხვევაში, "ავტობუსი არ დაიძრება". ამის შესახებ თბილისის მერმა თბილისის სატრანსპორტო კომპანიის ავტობაზიდან, ფეიბუქლაივში ისაუბრა. მისი თქმით, ავტობუსებს დეზინფექცია უტარდებათ და მიმდინარეობს ხვალინდელი დღისთვის მზადება.

"ნუ ჩავაყენებთ სხვა მგზავრებს უხერხულ მდგომარეობაში და კიდევ ერთხელ მინდა, გთხოვოთ მხარდაჭერა, როგორც პანდემიასთან ბრძოლაში მაქსიმალურად ვიცავდით რეკომენდაციებს, ზუსტად ისე", — ამბობს კახა კალაძე.

თბილისის მერის თქმით, ავტობუსის წინა კარი იქნება დაკეტილი, ასევე შეუძლებელია მძღოლთან მიახლოვებაც. დიდ ავტობუსებში მხოლოდ ორი კარი გაიღება, პატარაში — ერთი.