პრემიერის შეფასებით, რელიგია იყო ბეწვის ხიდი და წითელი ხაზი, რომელზეც არა ხელისუფლებამ, არამედ ქვეყანამ და მოქალაქემ გაიარა. ამ თემაზე კითხვას გიორგი გახარიამ პარლამენტში უპასუხა.

"ამ ყველაფერში მთავარია ორი რამ, ის, რომ საქართველოს მართლმადიდებელი ეკლესია, რომელიც არის ამ ქვეყნის, ეს არ არის ათასწლოვანი ისტორიის ერთ-ერთი კომპონენტი, და მომავალშიც სერიოზული კომპონენტი შეიცვალა ისე, რომ ადამიანებს მოუწოდებდა არა იმას, რაც მთავრობისთვის იქნებოდა კარგი, რომ მოდით სასულიერო მსახურება აღდგომის ღამეს არ აღვასრულოთ, მოუწოდებდა, რომ ეს აღვასრულოთ, ოღონდ დავიცვათ წესები", — თქვა გიორგი გახარიამ.

პრემიერის აზრით, მოქალაქეებმა დაიჯერეს და ხელისუფლებას ენდნენ, როცა გადაწყვიტეს, რომ რელიგიური მრწამსის აღსრულებისას გარკვეულ წესებს დაიცავდნენ.

გახარიამ აღნიშნა, რომ საბოლოოდ ქართული ეკლესიის სურათები მსოფლიომ ნახა სადაც ადამიანები 2-მეტრიანი დისტანციით ლოცულობენ. მისი თქმით, მთავარი ისაა, რომ ეპიდემიოლოგიური აფეთქება არ მოხდა.