ნაციონალური მოძრაობის დეპუტატმა, რომან გოცირიძემ გაოცება გამოთქვა იმის გამო, რომ StopCov ფონდში აკუმულირებულ თანხას მთავრობა სარეზერვოდ დახარჯავს და მოუწოდა მათ, რომ სარეზერვოდ ის ფული შეინახონ, რომელსაც საერთაშორისო ორგანიზაციები მოგვცემს. მისი თქმით, ფონდში არსებული თანხა საკმარისი იქნება 443 ათას თვითდასაქმებულს 300-ლარიანი დახმარება მისცენ.

"ახლა გავიგეთ თქვენგან, რომ ეს ფონდი ყოფილა სარეზერვოდ და ამას გამოიყენებთ მერე. კი მაგრამ, სარეზერვედ გამოიყენეთ ის ფული, რომელიც მერე შემოვა საერთაშორისო ორგანიზაციებისგან და ეს ფული, როემლიც დევს, დახარჯეთ ეხლა თქვენივე არასწორი სქემით, როდესაც 300 ლარს აძლევთ თვითდასაქმებულებს და ნახევარს არ აძლევთ თან", — განაცხადა რომან გოცირიძემ.

პრემიერმინისტრმა, გიორგი გახარიამ პარლამენტში გამოსვლისას განაცხადა, რომ StopCov ფონდში მობილიზებული თანხა უაღრესად მწვავე და საჭირო დროს იქნება გამოყენებული. მისი ინფორმაციით, ამ ეტაპზე ფონდში 132 მილიონია მობილიზებული.

" ჩვენ ამ დონაციას გამოვიყენებთ სწორედ მაშინ, როდესაც ეს ქვეყანას ყველაზე უფრო დასჭირდება და რა თქმა უნდა, ამ დონაციას აქვს ფინანსური დაზღვევის ყველაზე დიდი მნიშვნელობა" — განაცხადა გარიამ.