მას შემდეგ, რაც პოლიტიკური ცენტრის გირჩის ლიდერებმა განაცხადეს, რომ თუ ახალ წლამდე არ შეიცვლებოდა ნარკოპოლიტიკა, 31 დეკემბერს, 23:59 საათზე, პირდაპირ ეთერში საჯაროდ დარგავდნენ მარიხუანას, მათ კიდევ ერთი კამპანია მოამზადეს.

-273 - ასე ჰქვია პარტიის კამპანიას, რომელიც ნარკომოხმარების დეკრიმინალიზაციისა და მარიხუანის ლეგალიზაციის მიზანს ემსახურება.

პეტიციის საიტზე შეგიძლიათ აირჩოით მხოლოდ ორი შესაძლო ვარიანტიდან ერთი:

  • ვთესავ

კამპანიის მონაწილე მიიღებს მონაწილეობას აქციაში „მეც ვთესავ“, რაც ნიშნავს სისხლის სამართლის კოდექსის 265-ე მუხლით გათვალისწინებულ ე.წ. „კულტივაციას“ (ისჯება თავისუფლების აღკვეთით 6-დან 12 წლამდე), და ამ ქმედებაზე პირადი პასუხისმგებლობის აღებას.

  • ვემხრობი

კამპანიაში მონაწილე იზიარებს აქციის მოთხოვნებს, მაგრამ ვერ მიიღებს მონაწილეობას „მეც ვთესავ“ აქციაში.

გასულ კვირაში, On.ge-ს მიერ ჩატარებულ ონლაინ გამოკითხვაში, Facebook-ის 10 ათასამდე მომხმარებელმა დააფიქსირა, რომ მარიხუანის მოხმარების დეკრიმინალიზაციის მომხრეა.