თბილისის ინფექციური საავადმყოფოს სამედიცინო დირექტორი ამბობს, რომ ტურიზმის სეზონის გახსნისას, მთავრობამ მეზობელ ქვეყნებში არსებული ეპიდსიტუაციაც უნდა გაითვალისწინოს. მისი თქმით, ასეთ დროს, რისკები მაქსიმალურად შემცირდება:

"რისკები ყოველთვის არის ყველაფრის. რისკებს ვერასდროს მოვხსნით, მაგრამ მინიმუმამდე უნდა დავიყვანოთ. იმედია, ტურიზმის გახსნა დაემთხვევა, მეზობელ ქვეყნებში დაავადების ტემპის კლებას და იქ სიტუაციის მნიშნელოვან გაუმჯობესებას. არამგონია, ჩვენთან ეს გადაწყვეტილება მიიღონ ისე, რომ გარშემომყოფი ქვეყნების სიტუაცია არ გაითვალისწინონ. თუ ამ გათვალისწინებით განახლდება ჩვენთან ტურიზმი, ასეთ დროს, ნაკლები რისკი იქნება".