აჭარის მთავრობის თავმჯდომარის, თორნიკე რიჟვაძის განცხადებით, რეგიონში ბოლო ორი ინფიცირებული განიკურნა, შესაბამისად აჭარამ დაიბრუნა "მწვანე ზონის" სტატუსი. ამის შესახებ რიჟვაძემ დღეს, 23 მაისს სპეციალურ ბრიფინგზე განაცხადა:

"ჩვენ 30 აპრილის შემდეგ რეგიონში აღარ გვყავს ახალი დაინფიცირებულები. ბუნებრივია, ეს არის საკმაოდ დადებითი, პოზიტიური შედეგი და დღეს კიდევ ერთხელ ხაზგასმით მინდა აღვნიშნო, რომ ეს არ არის მოდუნების, თვითკმაყოფილების საფუძველი. ჩვენ გვმართებს, რომ საზოგადოებასთან ერთად, მოსახლეობასთან ერთად გავაგრძელოთ იმ რეკომენდაციების შესრულება, რომელიც შემუშავებულია ჯანდაცვის უწყებების მხრიდან".

რიჟვაძის თქმითვე, უსაფრთხო რეგიონის სტატუსი და "მწვანე ზონის" სტატუსი განსაკუთრებით მნიშვნელოვანია ტურისტული სეზონის მოახლოებასთან მიმართებით