პრემიერმინისტრის პრესსპიკერის, ირაკლი ჩიქოვანის განცხადებით, ხვალ, 23 მაისიდან, ბოლნისის მუნიციპალიტეტში კარანტინი უქმდება. მისი თქმით, საკარანტინო ზონებად 2 სოფელ რჩება: მუშევანი და გეტა. მისივე თქმით, ამ სოფლებში მიმდინარეობს აქტიური პრევენციული ეპიდემიოლოგიური ღონისძიებები.

საკარანტინე ზონად რჩება თეთრიწყაროს მუნიციპალიტეტიც.

ჩიქოვანმა ასევე აღნიშნა, რომ ხვალიდან იხსნება შეზღუდვა 70 წელს ზევით მოქალაქეებისთვის და სავალდებულო ხდება დახურულ სივრცეში პირბადის ტარება.

ჩიქოვანის თქმით, ისევ აკრძალულია Covid-19-თან ბრძლისთვის საჭირო სამედიცინო პროდუქციის ქვეყნიდან გატანა. ასევე, სახელმწიფო სერვისების ნაწილი ისევ დისტანციურად იმუშავებს. გარდა ამისა, ძალაში რჩება შემდეგი შეზღუდვები:

  • საზოგადოებრივი ტრანსპორტის მოძრაობა როგორც შიდა, ასევე, საქალაქთაშორისო;
  • რესტორანში, ბარში თუ კაფეში მომხარებლის ადგილზე კვებით მომსახურება;
  • სასტუმროების ფუნქციონირება, გარდა საკარანტინე ზონებისა;
  • ტანსაცმლისა და ფეხსაცმლით ვაჭრობა, გარდა ონლაინვაჭრობისა;
  • მოლებისა და ბაზრების ფუნქციონირება, გარდა უკვე გახსნილი აგრარული ბაზრებისა;
  • სპორტული და კულტურული ღონისძიებების ორგანიზება ჩატარება;
  • აზარტული და მომგებიანი თამაშების წარმოება შესაძლებელია მხოლოდ ონლაინ ფორმით.