პარლამენტის ყოფილი თავმჯდომარე და ქართული ოცნების აღმასრულებელი მდივანი, ირაკლი კობახიძე საგანგებო მდგომარეობის გარეშე შეზღუდვების დაწესების შესახებ კანონპროექტის განხილვების დასასრულს, გამოვიდა ინიციატივით, რომ ეს შეზღუდვები იყოს დროებითი.

კერძოდ, ირაკლი კობახიძის ინიციატივაა, ეს ნორმები გარდამავალ დებულებებში გაიწეროს და იყოს დროებითი, "პირობითად, 15 ივლისამდე".

"15 ივლისამდე იმედია, რომ იქნება რადიკალურად განსხვავებული ვითარება პანდემიის კუთხითაც. მანამდე საკონსტიტუციო ცვლილებებიც იქნება მიღებული და ამის შემდეგ უკვე ეს გარდამავალი დებულებები, ბუნებრივია, დაკარგავს თავის აქტუალობას", — თქვა მან.

კობახიძემ პარლამენტს შესთავაზა ეს იდეა დღესვე განიხილონ და აღნიშნა, რომ იდეა "სპონტანურია".