დაავადებათა კონტროლის ცენტრის დირექტორის მოადგილემ პაატა იმნაძემ განმარტა, რატომ შეიცვალა რეკომენდაცია პირბადის ტარებასთან დაკავშირებით. თავდაპირევლად პაატა იმნაძე ამბობდა, რომ ჯანმრთელ ადამიანებს პირბადის ტარება არ სჭირდებოდათ.

"როდესაც ჩატარდა სათანადო კვლევები, სერიზული კვლევები შეერთებულ შტატებში, სამხრეთ კორეაში, ჩინეთში, აღმოჩნდა, რომ თუ ავადმყოფს, [...] რომელსაც შეუმჩნეველი სიმპტომები აქვს და საზოგადოებაში გამოდის და უკეთია ნიღაბი, ეს 70%-ზე მეტ გარანტიას იძლევა, რომ ის ვერ გაავრცელებს ამ ინფექციას. მაგრამ კვლევებმა აჩვენა, რომ თუ ჯანმრთელსაც უკეთია ამავე დროს, მაშინ ეს დაცვა თითქმის 95%-მდე ადის", — თქვა პაატა იმნაძემ.

იმნაძის თქმით, რეკომენდაციები პირბადის ტარებასთან დაკავშირებით, სწორედ ამ კვლევების საფუძველზე შეიცვალა, თუმცა სამედიცინო ნიღაბის ტარება ახლაც არაა საჭიროდა და საყოფაცხოვრებო სრულიად საკმარისია.