თბილისის მერის ახალი მოადგილე ანდრია ბასილაია იქნება, ის მერიაში სოფო ხუნწარიას ადგილს დაიკავებს. ამის შესახებ ინფორაცია კახა კალაძემ თბილისის მთავრობის სხდომაზე გააჟღერა. სოფო ხუნწარიამ გასულ კვირას განაცხადა, რომ თანამდებობას ტოვებდა.

მერის თქმით, ბასილაია გუნდის წევრი 2017 წლიდანაა. კალაძის თქმით, ანდრია პროფესიით ეკონომისტ-პოლიტოლოგია და განათლება ამერიკაში მიიღო.

"ანდრია სხვადასხვა მნიშვნელოვან თანამდებობებზე იყო დღემდე და ის წარმატებული ახალგაზრდაა. არის პროფესიონალი [...] მინდა გულწრფელად წარმატებები ვუსურვო, დარწმუნებული ვარ, რომ ჩვენ ერთიანი ძალისხმევით კიდევ ბევრ მნიშვნელოვან და საკეთილდღეო პროექტს განვახორციელებთ ჩვენი ქალაქისთვის", — თქვა კახა კალაძემ.

მერის თქმით, ანდრია ბასილაია მერიაში მანამდე ურბანულ სამსახურს ხელმძღვანელობდა, სადაც მის ადგილს ვიქტორ წილოსანი დაიკავებს.