ვირუსული ინფექციის გამოჩენის შემდეგ, ჩვენი საზოგადოების ცხოვრების სტილი რადიკალურად შეიცვალა, ტრანსფორმირდა ყოველდღიური ქცევები, ყოველი ჩვენი ქმედება კი სიფრთხილისკენ მიემართა. მოგეხსენებათ, რომ საქართველოში ერთ-ერთ ყველაზე კრიტიკულსა და მაღალი რისკის ჯგუფს ჩვენი უფროსი თაობა წარმოადგენს. შექმნილი ვითარებიდან გამომდინარე, კრედოს სურს, რომ წვლილი შეიტანოს ამ ადამიანების მხარდასაჭერად, იზრუნოს მათ კეთილდღეობაზე და მცირედით მაინც შეუმსუბუქოს Covid-19-ით გამოწვეული რთული მდგომარეობა.

კრედო ბანკმა გადაწყვიტა, გვერდში დაუდგეს ასაკოვან მომხმარებელს, რომელიც ვირუსული ინფექციისთვის ყველაზე მაღალი რისკის ჯგუფს წარმოადგენს. სოციალური პასუხისმგებლობის კამპანიის ფარგლებში, სადაზღვევო კომპანია იმედი L-თან პარტნიორობით, თითოეულ მომხმარებელს, რომელიც 71 წლის და მეტისაა საჩუქრად გადაეცემა უნიკალური მომსახურება — დაზღვევა და მეტი.

მომხმარებლები შეძლებენ 50%-მდე, ხოლო ექიმის გამოწერილ მედიკამენტებზე 20%-მდე ფასდაკლებით ისარგებლონ. აქცია სხვადასხვა ტიპის მომსახურებაზე ვრცელდება:

  • გეგმური ამბულატორიული მომსახურება;
  • პირადი ექიმის მომსახურება წელიწადში 12 ვიზიტი;
  • მედიკამენტები;
  • გადაუდებელი და გეგმური სტომატოლოგიური მომსახურება.


კრედო ბანკში აცხადებენ, რომ არ აქვს მნიშვნელობა აქვს თუ არა მომხმარებელს საყოველთაო დაზღვევა, ისინი მაინც შეძლებენ ისარგებლონ აღნიშნული მომსახურებით.

"დაზღვევა და მეტით" სარგებლობის შემთხვევაში, სოციალურად დაუცველის სტატუსი, ასეთის არსებობის შემთხვევაში, არ იხსნება.

დამატებითი კითხვებისთვის მიმართეთ კრედო ბანკის Facebook გვერდს.