Buzz Bingo-მ უცნაური კვლევის ჩატარება გადაწყვიტა: რომელ ფილმებში იყენებენ პერსონაჟები ყველაზე ხშირად სალანძღავ სიტყვებს.

3 500 ფილმის სცენარის შესწავლის შემდეგ აღმოჩნდა, რომ ყველაზე მეტ გინებას მარტინ სკორსეზეს 2013 წლის ფილმში The Wolf of Wall Street ვისმენთ — ჯამში 715 სალანძღავი სიტყვა. მეორე ადგილი 2019 წელს გამოსულმა ძმები საფდების ფილმმა Uncut Gems დაიკავა 646 შესაფერისი სიტყვით, მესამე ადგილზე კი სკორსეზეს კიდევ ერთი ცნობილი ფილმი Casino აღმოჩნდა.

ფილმების სრული ათეული კი ასე გამოიყურება:

ფოტო: Buzz Bingo

იმავე კვლევის მიხედვით დაითვალეს, თუ რომელი მსახიობები იყენებენ ყველაზე ხშირად გინებასა და სხვა სალანძღავ სიტყვებს ფილმებში. ამ მონაცემების მიხედვით პირველ ადგილზე მსახიობი ჯონა ჰილი გავიდა 376 სიტყვით, რომელიც ასევე თამაშობს ფილმში The Wolf of Wall Street.

ჯონა ჰილს მცირედით ჩამორჩება ლეონარდო დიკაპრიო 361 სიტყვით, შემდეგ კი სამუელ ელ ჯეკსონი მოდის 301 სალანძღავი სიტყვით.

ფოტო: Buzz Bingo

ასევე აღსანიშნავია, რომ დიკაპრიოს პერსონაჟი ფილმში Wolf of Wall Street ბილწსიტყვაობით ლიდერი პერსონაჟია, რომელიც ყველაზე ხშირად იგინება ერთი ფილმის განმავლობაში — ჯამში 332 სალანძღავი სიტყვა.

ფოტო: Buzz Bingo