"ბუდე ქეისები" ქართული ბრენდია, რომელიც აწარმოებს მაღალი ხარისხის მინის ქეისებს აიფონის მოდელებისათვის. კომპანიას გამოარჩევს ქართველი ილუსტრატორის – სანდრო მატატაშვილის (@susharty) მიერ შექმნილი დიზაინები. ქართული კულტურისა და არქიტექტურის ელემენტების საფუძველზე იგი ქმნის თანამედროვე ილუსტრაციებს, რაც, კომპანიის თქმით, განაპირობებს ქეისების უნიკალურ ესთეტიკას.

ბუდე ქეისები პოპულარობით სარგებლობს საქართველოს საზღვრებს გარეთ
ახალგაზრდებსა და ასევე ტურისტებს შორის. იგი საუკეთესო საჩუქარია ქართველი და უცხოელი მეგობრებისათვის. ამ დროისათვის ქეისები ხელმისაწვდომია მხოლოდ iPhone-ის რამდენიმე მოდელის მობილურისათვის, თუმცა მომავალში კომპანია გეგმავს ამ რაოდენობის გაზრდას, ასევე ახალი კოლაბორაციების მეშვეობით სხვადასხვა დიზაინის შემოთავაზებას.

ბუდე ქეისების პროდუქციას შეხვდებოდით საშობაო მარკეტებსა და ქალაქის გარშემო გამართულ გამოფენა-გაყიდვებზე, თუმცა შექმნილი ვითარებიდან გამომდინარე კომპანია სრულად ონლაინ გაყიდვებზეა გადასული. ქეისების შეძენა შესაძლებელია სოციალური ქსელების მეშვეობით Instagram და Facebook გვერდებზე. კომპანია გვთავაზობს ადგილზე მიტანის სერვისს, ხოლო მაისის თვეში პირველი დაბადების დღის აღსანიშნავად ‘ბუდე ქეისები’ სიურპრიზებსაც გვპირდება!

სტატია განთავსებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.