შინაგან საქმეთა სამინისტროს განცხადებით, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის და შეზღუდვების დარღვევის 102 ფაქტი გამოავლინეს. მათი თქმით, 89 მოქალაქე დააჯარიმეს ე.წ. კომენდანტის საათის დარღვევისთვის, 7 პირი კი მგზავრთა გადაყვანისა და ავტომობილით გადაადგილების წესის დარღვევისთვის.

უწყების განცხადებით, პოლიციამ საჯარო სივრცეში 3-ზე მეტი პირის შეკრებისა და 2-მეტრიანი სოციალური დისტანციის დაუცველობის 6 ფაქტი გამოავლინა.

საგანგებო მდგომარეობის რეჟიმის დარღვევისთვის ფიზიკური პირს აჯარიმებენ 3 000 ლარით, ხოლო იურიდიული პირს – 15 000 ლარით.

შეგახსენებთ, რომ 18 მაისიდან მოიხსნება სამზე მეტი პირის შეკრების შეზღუდვა, თუმცა მანქანაში იგივე შეზღუდვები რჩება.