დაავადებთა კონტროლის ეროვნული ცენტრის დირექტორის მოადგილის, პაატა იმნაძის თქმით, ტურიზმის გახსნასთან დაკავშირებით რისკები არსებობს, თუმცა ქვეყანაში ეს მიმართულება მაქსიმალურად დაცული და კონტროლირებადი იქნება. ამ თემაზე კითხვას მან სპეციალურ პრესკონფერენციაზე უპასუხა.

"ამისთვის მოსამზადებელი სამუშაოები მიდის, ტურიზმის საერთაშორისო ორგანიზაციაც მუშაობს ამაზე. ეს იქნება ძალიან კონტროლირებადი და მაქსიმალურად დაცული, ყველაფერი გაკეთდება იმისთვის, რომ ქვეყანაში შემომსვლელი ტურისტი იყო მაქსიმალურად, პირველ რიგში, გათვალისწინებული უსაფრთხოება, რათა მან არ შემოიყოლოს კორონა ინფექცია", — თქვა პაატა იმნაძემ.

მისი განცხადებით, "თავის დროზე" ყველა რეკომენდაცია გაწერილი სახით გამოცხადდება. იმნაძემ აღნიშნა, რომ ახლა მსოფლიოში გარკევული კონკურენციაა, ვინ დაასწრებს საზღვრების გახსნას. მისი თქმით, საქართველომ ამ მხრივ უნდა გამოიყენოს ის პოტენციალი, რაც ქვეყანას აქვს.