ილია მეორეს მტკიცებით, უკანასკნელ ჟამს საქართველო გაბრწყინდება და სხვა ერების ცხოვრებაზე იმოქმედებს. ამის შესახებ მან ანდრია პირველწოდებულისა და საქართველოს ღვთისმშობლის წილხვედრობის დღესთან დაკავშირებით ქადაგებისას განაცხადა.

ილია მეორემ ღმერთს ყველაფრისთვის მადლობა გადაუხადა, მათ შორის განსაცდელისა და გაჭირვებისთვის.

"ჩვენ ხშირად ვფიქრობთ, რა დავიმსახურეთ ჩვენ იმისთანა, რომ საქართველო გახდა წილხვედრი ყოვლადწმიდისა ღვთისმშობლისა. უფალი ხედავს წარსულს, აწმყოს და მომავალს როგორც დღევანდელ დღეს. უფალი ხედავს, რომ საქართველო გაბრწყინდება უკანასკნელ ჟამს და ეს გაბრწყინება იქნება სულიერი. უფალი ხედავს, რომ საქართველო იმოქმედებს ასევე სხვა ერების ცხოვრებაზე. თქვენ გახსოვთ ქებაი და დიდებაი ქართულისა ენისაი, რომ ენითა განიკითხების მთელი მსოფლიო. ჩვენ ვმადლობთ უფალს მისი დიდი წყალობისთვის. ვმადლობთ ყველაფრისათვის, განსაცდელისა, სიხარულისა, გაჭირვებისა, ყველაფრისათვის ვმადლობთ უფალს. უფალმა დაავალა ღვთისმშობელს, რომ ყოფილიყო პატრონი საქართველოსი და ეს პატრონობა ყოველდღე ჩანს", — განაცხადა პატრიარქმა.