პოლიტიკური პარტია გირჩი ამბობს, რომ მთავრობას თერმოსკრინინგის ჩატარებაში ეხმარება. პარტიის ლიდერი ზურაბ ჯაფარიძე მთავრობის კანცელარიასთან დილის 9 საათზე მივიდა. ისინი მთავრობის კანცელარიაში მისულ მოქალაქეებს თერმოსკრინინგს უტარებდნენ.

"მთავრობამ მოსახლეობას მასიურად ჩაუტარა თერმოსკრინინგი. მთავრობას დახმარება სჭირდება იმ თვალსაზრისით, რომ ამ შენობაში ვინც შედიან, იმათ არ უტარდებათ თერმოსკრინინგი, მიუხედავად იმისა, რომ ბევრგან ტარდება. გადავწყვიტეთ, რომ მთავრობას დავეხმაროთ", — განაცხადა ჯაფარიძემ.

ზურაბ ჯაფარიძის თქმით, აღრიცხვასაც აკეთებენ, რომელსაც შემდგომში დაავადებათა კონტროლის ცენტრს გადასცემენ. როგორც ის ამბობს, 11 ადამიანი შეამოწმეს და საშუალო ტემპერატურა 36,2-ია:

"დილის 9 საათიდან 11 ადამიანი მუშაობს. შეგიძლიათ, მშვიდად იყოთ. სიცხე არავის დაუფიქსირდა... ამ შენობაში ხალხს არ სძინავს, ჩვენზე ზრუნავენ".

გირჩის და მისი წევრები კორონავირუსის პანდემიის დროს მიღებული შეზღუდვების წინააღმდეგ არაერთხელ გამოსულან. ზურაბ ჯაფარიძემ პრეზიდენტის ადმინისტრაციასთან საგანმანათლებლო აქცია მოაწყო. ამასთან გირჩის წევრებმა იპოდრომზე აქცია-სეირნობა გამართეს.