გერმანიის ბუნდესლიგა პირველი საფეხბურთო ლიგა იქნება, რომელიც თამაშებს კორონავირუსის პანდემიის დროს განაახლებს. ამის შესახებ ინფორმაციას CNN ავრცელებს.

გამოცემა წერს, რომ მატჩები 16 მაისიდან აღდგება. გერმანიის საფეხბურთო ლიგის (DFL) აღმასრულებელი დირექტორის თქმით, დორტმუნდის ბორუსია და შალკე 04 პირველები იქნებიან, ვინც ერთმანეთის წინააღმდეგ ითამაშებენ.

გერმანიის კანცლერმა, ანგელა მერკელმა ქვეყანაში შეზღუდვების შემსუბუქების გეგმა წარადგინა, სადაც საფეხბურთო თამაშებიც შედიოდა. თუმცა მას არ დაუკონკრეტებია მატჩები მაყურებლის თანდასწრებით გაიმართება თუ არა.

ბუნდესლიგა პირველი მთავარი ევროპული ლიგა იქნება, რომელიც თამაშებს განაახლებს. გასულ კვირას საფრანგეთმა სეზონი გააუქმა და Ligue 1-ის გამარჯვებულად პარიზ სენ-ჟერმენი გამოაცხადა.